پوهنتون د سپورت عمومي کمېټې ناسته وشوه
سيد جمال الدين افغاني پوهنتون د سپورت عمومي کمېټې د محصلانو چارو مرستيال پوهنمل علي احمد بهار په مشرۍ ناسته وکړه، چې د محصلانو د خدمتونو او همغږۍ آمر مولوي عبدالله مسلم او د کمېټې غړو په کې برخه لرله. په ياده کاري ناسته کې د راتلونکو لوبو پر مهالوېش او د کرکټ لوبې روانو سياليو پای لوبې ته د اړینو تدابیرو نیولو په اړه بحث او پرېکړې وشوې.
د محصلانو چارو مرستيال د سپورت عمومي کمېټې د کړنو او ښو فعالیتونو له امله د هغوی ستاينه او مننه وکړه او د سپورت پر ارزښت او گټو يې خبرې وکړې. ياده ناسته د خیر په دُعا پای ته ورسېده.
