کونړ ولايت کې د دیني مدارسو د عالمیې او عالیې مرحلو د ۱۴۴۶ هـ . ق کال کلنۍ ازموینې لپاره د بایومټریک پروسه پیل شوه

ياده پروسه چې کونړ ولايت د سيد جمال الدين افغاني پوهنتون په انگړ کې نن سهار پيل شوه، د پوهنتون رييس شيخ عبدالمالک محسن يې له چارو ليدنه او څارنه وکړه. نوموړي د مسلکي او تخنيکي ډلې د نظم او کارونو له دقت او سرعت څخه خوښي وښوده کړه او د چارو د لاښه والي په موخه يې هغوی ته اړينې سپارښتنې او لارښوونې وکړې.

د يادونې ده چې دا ازموينه به د راتلونکې شنبې په ورځ چې د روانې رجب المرجب مياشتې له(۱۰) مې نېټې سره برابره ده د لوړو زده کړو وزارت د دیني جامعاتو او تخصصاتو لوی ریاست له لوري د ټول هېواد سربېره د کونړ ولايت د امارتي او خصوصي دیني مدارسو له(430) تنو فاضلانو څخه چې(250) تنه یې د عالمیې او(180) تنه يې د عاليې مرحلو فارغ فاضلان دي؛ د شپږو ورځو په ترڅ کې له ټاکل شوي مهالوېش سره سمه واخېستل شي.