د امریکايي اشغال د خاتمې او کابل فتحې دویمه کالیزه ولمانځل شوه
د سيد جمال الدين افغاني پوهنتون له لوري د امریکايي اشغال د خاتمې او کابل فتحې دویمه کالیزه په شاندارو مراسمو سره ولمانځل شوه.
په یادو مراسمو کې د پوهنتون مشرتابه پلاوي، د پوهنځيو ريیسانو، استادانو، اداري کارکوونکو او محصلینو ګډون کړی وو.
پيل کې د پوهنتون رييس پوهنمل محب الله محب د اسلامي امارت مشرانو، افغان ولس، د نړۍ مسلمانانو او په ځانګړي ډول د اسلامي امارت مجاهدینو ته د یادې فتحې مبارکي وویله او دا یې د الله تعالی له لوري لويه پېرزوينه ياده کړه.
نوموړي زياته کړه چې دا خپلواکي او ازادي په ډېرو سرښندنو او تکليفونو لاسته راغلې نو د ساتنې لپاره يې بايد ټول خپلو مسؤليتونو ته متوجه شو.
د پوهنتون علمي چارو مرستيال پوهندوی ميرویس ستانکزي، د ولايت مقام استازي مـولوي عصمت الله عندليب او د شرعياتو پوهنځي استاد پوهنمل دوکتور محمد سليم کليمزي؛ په خپلو خبرو کې په عامه توګه ټول مسلمه اُمت او په ځانګړي ډول افغان غيور ملت ته د يادې سترې وياړمنې ورځې مبارکي وويله او د تېر شل کلن جهـاد په قربانيو، برياوو او د اسلامي نظام په ټينګښت او پايښت يې مفصلې خبرې وکړې.
د یادولو وړ ده چې په دغو مراسمو کې د شل کلن جهـاد اړوند حماسي شعرونه، ترانې او تمثیلي ټوټې وړاندې شوې.
ياده غونډه د پوهنتون د دعوت او ارشاد آمر مـولوي اعجازالحق په لندې وینا او دُعايه کليماتو سره پای ته ورسېده.
