محصلینو ته د نشهيي توکو زيانونو په تړاو د پوهاوي سېمينار دایر شو
د عامه پوهاوي دغه يو ورځنی سېمينار چې د نشهيي توکو زيانونو او حل لارو پېژندنې په تړاو د سيد جمال الدين افغاني پوهنتون د محصلانو چارو معاونيت اړوند د محصلانو د خدمتونو او همغږۍ آمريت په چوکاټ کې د رواني مشاورې کمېټې له لوري د پوهنتون د غونډو په تالار کې جوړ شوی ؤ، د پوهنتون مشرتابه، استادانو او پنځهگونو پوهنځيو محصلينو په کې برخه اخيستې وه.
د سېمينار په پرانيسته کې د پوهنتون رييس شيخ عبدالمالک محسن د نشهيي توکو حرمت او زيانونو په اړه هر اړخيزې خبرې وکړې او د سېمينار له تنظيموونکو يې مننه وکړه. ورپسې د ښوونې او روزنې پوهنځي استاد او د رواني مشاورې کمېټې غړي ن.پوهنيار عمران وقاد له لوري د نشهيي توکو زیانونو او حل لارو پېژندنې په تړاو چمتو شوی پرېزېنټېشن وړاندې شو او د گډونوالو پوښتنې يې ځواب کړې.
د يادونې ده چې برخهوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه.
