د پنځهگونو پوهنځیو محصلینو ته د ازموینې اضطراب پېژندنې په تړاو د پوهاوي سېمينار داير شو
سيد جمال الدين افغاني پوهنتون د محصلانو چارو معاونیت اړوند د محصلانو د خدمتونو او همغږۍ آمریت په چوکاټ کې د رواني مشاورې کمېټې له لوري د بېلابیلو پوهنځيو محصلینو ته د ازموینې اضطراب پېژندنې په تړاو د يوهاوي يو ورځنی سېمينار داير شو، چې سلگونو محصلينو په کې برخه لرله.
ياد سېمینار چې د ښوونې او روزنې پوهنځي استاد پوهنيار حميدالله حميد له لوري وړاندې شو، محصلينو ته په کې د ازموینې اضطراب پېژندنې، نښو نښانو، عواملو او د مخنیوي لارو چارو په هکله هر اړخيز معلومات وړاندې شول او د هغوی پوښتنو ته يې ځوابونه ورکړل.
محصلانو د خدمتونو او همغږۍ آمر مولوي عبدالله مسلم محصلينو ته په خپلو خبرو کې د رواني، ورزشي او کلتوري چوپړتیاوو برابرولو په برخه کې د امکاناتو چمتو کولو ډاډ ورکړ او د هغوی رواني روغتیا ساتلو په موخه یې د لا نورو پروگرامونو د دايرولو یادونه وکړه.
