د زراعت پوهنځي محصلینو ته د حفظالصحې په تړاو د پوهاوي معلوماتي سېمينار وړاندې شو
د سيد جمال الدين افغاني پوهنتون د زراعت پوهنځي محصلینو ته د مالي او اداري چارو معاونيت په چوکاټ کې، د روغتيا او خونديتوب عمومي کمېټې په نوښت د حفظالصحې په تړاو د پوهاوي معلوماتي سېمينار وړاندې شو.
دغه سېمينار چې د زراعت پوهنځي استاد پوهنمل ضیاءالدین ضیاء له لوري وړاندې شو په کې د حفظالصحې بنسټیز مفاهیم، د فردي او ټولنیزې روغتیا اهمیت او د ساري ناروغیو مخنیوي لارې چارې تشرېح شوې. نوموړي وويل، چې د حفظالصحې اصول یوازې د فردي روغتیا لهپاره نه، بلکې د ټولنې عمومي روغتیا د ښهوالي په برخه کې هم بنسټیز اهمیت لري او له ټولو وگړو څخه د گډو هڅو غوښتنه کوي.
د يادونې وړ ده چې گډونوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه. هېره دې نه وي چې په ياد پوهنتون کې تر دې وړاندې هم دې ته ورته علمي سېمينارونه او کنفرانسونه داير شوي او په راتلونکي کې به هم دا لړۍ دوام ولري.
