پوهنتون د اداري شورا په ناسته کې د حاضرۍ پر پابندۍ او د چارو په چټکتيا ټينگار وشو
ياده کاري ناسته چې د سيد جمال الدين افغاني پوهنتون د رييس شيخ عبدالمالک محسن په مشرۍ وشوه؛ د پوهنتون مرستيالانو، د پوهنځيو ريیسانو او د يادې شورا نورو غړو په کې برخه لرله.
پوهنتون رييس د پرانیستې وینا پر مهال د اسلامي شريعت په رڼا کې د مسؤليت پر ارزښت او اهميت هر اړخيزې خبرې وکړې. نوموړي اړوند مسؤلين خپلو دندو ته ځیر کړل او د چارو ښه ترسراوي په پار يې هغوی ته لازمې سپارښتنې او لارښوونې وکړې. ورپسې د پوهنتون مالي او اداري چارو مرستيال حافظ مولوي محمدعثمان سعيد د تېرې شورا د پرېکړو او د ياد معاونيت راپور د شورا له غړو سره شريک کړ او وروسته پر ټاکل شويو موضوعاتو بحث او پرېکړې وشوې. ياده ناسته چې د قرانکريم د څو مبارکو اياتونو پر تلاوت پیل شوې وه د خیر په دُعاء سره پای ته ورسېده.
