پوهنتون د شرعياتو پوهنځي ممتاز محصلین د يوې غونډې په ترڅ کې وستايل شول
په دغه ستاينغونډه کې د سيد جمال الدين افغاني پوهنتون علمي چارو مرستيال قاضي عبدالهادي فضلي، د علمي څېړنو او مجلې مرستيال پوهندوی دوکتور سيد اصغر هاشمي، د شرعياتو پوهنځي رييس مولوي سراج الدين عمر منصور، د اقتصاد پوهنځي رييس پوهنيار حامد احمد مراد، د شرعياتو پوهنځي استادانو او محصلينو گډون کړی ؤ.
غونډې ته د پوهنتون علمي چارو مرستيال د علم پر ارزښت او اهميت تفصيلي خبرې وکړې او همداراز يې محصلينو ته علم د حصول شرايط او لارې چارې بيان کړې. نوموړي په خپلو خبرو کې ممتازو محصلينو ته مبارکي وويله او د غونډې له تنظيموونکو يې مننه وکړه.
د شرعياتو پوهنځي رييس په ټولنه کې د علماوو مقام او منزلت بيان کړ او د ممتازو محصلينو هڅې او لاسته راوړنې يې وستایلې. ياده غونډه ممتازو محصلينو ته د ستاينليکونو له ورکولو وروسته پر دُعايه کلماتو سره پای ته ورسېده.
