پوهنتون کې د خزاني سمستر نهايي ازموينې پيل شوې
نن ورځ چې د روان١٤٠٣ هـ . ش کال د لیندۍ مياشتې له ١٥ مې سره برابره ده په سيد جمال الدين افغاني پوهنتون کې د خزاني سمستر وروستۍ ازموینې پیل شوې چې درې اوونۍ به دوام وکړي.
د ياد پوهنتون ريیس شیخ عبدالمالک محسن د پوهنځيو رييسانو په ملتيا د ازموینو له صحنو څخه د لیدنې پر مهال د پوهنځيو مسؤلینو او استادانو ته سپارښتنه وکړه چې ازموینې دې د لوړو زدهکړو وزارت له اصولو او مقرراتو سره سمې په پوره شفافیت سره واخلي او پایلې دې پر خپل وخت له محصلینو سره شریکې کړي.
