تقويتي کورسونو له ازموینو او د شپې برنامې له تدريسي بهير څخه څارنه وشوه
سید جمال الدین افغاني پوهنتون د محصلانو چارو مرستيال پوهنمل علي احمد بهار؛ د ښوونې او روزنې پوهنځي د رييس مولوي خانزاده حنيفي په ملتيا د ملي او نړيوالو ژبو د زدهکړې کورسونو د پیل شويو ازموینو له صحنو او د ښوونې او روزنې پوهنځي د شبې برنامې له تدريسي بهير څخه ليدنه او څارنه وکړه.
محصلانو چارو مرستيال د يادې لیدنې پر مهال استادانو ته سپارښتنه وکړه چې د تقويتي کورسونو ازموینې باید په پوره شفافيت سره واخلي او پایلې يې پر ټاکلي وخت محصلينو ته اعلان کړي. نوموړي همدارراز د شپې برنامې تدريسي بهير د لا ښه والي په موخه د ياد پوهنځي مسؤلینو ته لازمې سپارښتنې او لارښوونې وکړې.
