پوهنتون کې د اعتبار ساتنې په موخه د کیفیت لوړاوي او اعتبار ورکولو پروسې د معیارونو د تشریح ۳ ورځنی ښوونيز ورکشاپ پیل شو
یاد ورکشاپ د لوړو زده کړو وزارت د کیفیت لوړاوي او اعتبار ورکولو ریاست له لوري د دې پوهنتون په معلوماتي ټکنالوژۍ مرکز کې د پوهنتون رهبرۍ غړو، پوهنځیو ريیسانو، دیپارتمنتونو آمرينو او د مستقلو آمریتونو مسؤلینو ته دایر شو.
ورکشاپ د پرانیستې وینا پر مهال د سيد جمال الدين افغاني پوهنتون ريیس شیخ عبدالمالک محسن د کیفیت لوړاوي او اعتبار ورکولو پروسې پر ارزښت او اهمیت خبرې وکړې او د ورکشاپ گډونوالو ته يې د فعال گډون او له دې فرصت څخه د پوره استفادې سپارښتنه وکړه. نوموړي په خپلو خبرو کې د لوړو زده کړو وزارت د کیفیت لوړاوي او اعتبار ورکولو ریاست له مسؤلینو د یاد ورکشاپ د جوړېدو له کبله مننه وکړه او دا ډول روزنيز پروگرامونه يې د مسؤلينو لپاره گټور ياد کړل.
ورپسې د شيخ زايد پوهنتون استاد پوهنمل دوکتور قدرت الله ځواک او د پکتيا پوهنتون استاد پوهنمل محمد امین احمدزي د دې ورکشاپ د روزنې چارې مخته يوړې او گډونوالو د پوښتنو په ځوابولو سره نن ورځ پای ته ورسېده.
