محصلينو د تبديلۍ په تړاو د لوړو زده کړو وزارت خبرتیا!

د امارتي پوهنتونونو او لوړو زده کړو مؤسسو ټولو محصلینو ته خبر ورکول کېږي، چې د تبدیلو پروسه د روان کال(1402) مرغومي میاشتې له لوموړۍ نېټې څخه پیل او د سلواغې میاشتې تر پایه، یوازې د ورځې برنامې څخه شپې برنامې ته په ورته څانګه، سمستر او ټولګي کې په لاندې شرایطو سره ترسره کېږي.

1: له لومړي تحصیلي بنسټ څخه د فورم اخیستل او د دواړو تحصیلي بنسټونو څخه موافقه ترلاسه کول.

2: د دویم تحصیلي بنسټ په شپې برنامه کې د اړوندې څانګې شتون.

3: تبدیلي په ورته سمستر، ټولګي او څانگه کې ترسره کېږي.

4: د غوښتنپاڼې او عریضې له لارې تبدیلي نه منل کېږي.

نوټ:  د محصلینو تبدیلي د ورځنیو برنامو څخه شپې برنامو ته د پورته شرایطو سره سم او د تبدیلو کمیسیون له تايید نه وروسته ترسره کېږي.