پوهنتون رييس د ارزاقو دولتي شرکت له اجراييوي رييس سره وکتل
د سيدجمال الدين افغاني پوهنتون رييس پوهنمل محب الله محب د ارزاقو دولتي شرکت له اجراييوي رييس مولوي عبدالرازق رفيع سره د ياد پوهنتون په رياست مقام کې وکتل.
په دې کتنه کې د راغلي پلاوي سر بېره د پوهنتون مالي او اداري چارو مرستيال قاري رحمن الله صادق هم برخه لرله، چې په کې د پوهنتون ليليې د خوراکي توکو د کیفیت د لا ښه والي په اړه خبرې اترې وشوې.
د پوهنتون رييس پوهنمل محب الله محب په خپلو خبرو کې د ياد شرکت له کړنو خوښي وښوده او د لا نورې پاملرنې غوښتنه يې وکړه.
ورپسې د ارزاقو دولتي شرکت اجراييوي رييس مولوي عبدالرازق رفيع د پوهنتون مشرتابه ته د خوراکي توکو کیفیت د لا ښه والي په برخه کې پوره ډاډ ورکړ.
