د سيدجمال الدين افغاني پوهنتون د سولې مرکز له خوا علمي او کادري غړو ته د څیړنې (Research) په موخه پنځه ورځنی روزنیز ورکشاپ پېل شو.
د سيدجمال الدين افغاني پوهنتون د سولې مرکز له خوا علمي او کادري غړو ته د څیړنې (Research) په موخه پنځه ورځنی روزنیز ورکشاپ پېل شو.
د پوهنتون علمي مرستيال پوهنمل ميرويس ستانکزي پرانستې وينا وکړه، د ننګرهار پوهنتون د اقتصاد پوهنځي استاد او ياد پوهنتون د سولې مرکز د څېړنې برخې مسؤل استاد نقيب الله اتل ته يې د ښه راغلاست تر څنګ په یاد ورکشاپ کې د ګډون په پار مننه وکړه او په تحصيلي بنسټونو کې د څېړنې پر ارزښت څرګندونې وکړې او ورکشاپ يې استادانو په ظرفيت لوړونې کې ګټور وبله.
ورکشاپ ګډون والو ته د کونړ پوهنتون د سولې مرکز مشر استاد پوهنيار شاهدالله امن د ورکشاپ پر جوړښت او ارزښت خبرې وکړې او استادانو نه يې هيله او غوښتنه وکړه چې ورکشاپ کې په پوره مينه ګډون وکړي.
استاد نقيب الله اتل هم ورکشاپ ګډونوالو ته وينا وکړه او ورکشاپ په عملي توګه پېل شو او دوام لري.
