پوهنتون د څېړنو عمومي کمېټې نوبتي ناسته وشوه
سيد جمال الدين افغاني پوهنتون د څېړنو عمومي کمېټې د علمي څېړنو او مجلو مرستيال پوهندوی دوکتور سيد اصغر هاشمي په مشرۍ خپله نوبتي ناسته وکړه، چې د کمېتې ټولو غړو په کې برخه لرله. په ياده کاري ناسته کې د علمي ترفېع په موخه د څو تنو استادانو علمي کنفرانسونو ټاکنه، د څېړنيزو آثارو تاييد او د ترفېعي موضوعاتو ثبت، د بېلابېلو استادانو د علمي مقالو کتنه او په روان ۱۴۰۵ کال کې د استادانو او محصلانو لپاره په څېړنيزه برخه کې د سېمينارونو او ورکشاپونو پر دايرېدو بحث او پرېکړې وشوې. په دغه کاري ناسته کې د علمي څېړنو او مجلو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې. ياده ناسته چې د قرانکريم د څو مبارکو اياتونو په تلاوت سره پیل شوې وه، په دُعايه کلماتو پای ته ورسېده.
