د پوهنځيو رئيسانو، معاونينو، اداري او کادري آمرينو او مديرانو ته د پلان جوړونې او راپور ليکنې په اړه روزنيز ورکشاپ دایر شو
دغه يو ورځنی روزنيز ورکشاپ د سيد جمال الدين افغاني پوهنتون علمي چارو معاونيت په چوکاټ کې د مسلکي پرمختيا آمريت په نوښت جوړ شوی ؤ، چې د دې پوهنتون د پنځهگونو پوهنځيو رئيسانو، معاونينو، اداري او کادري آمرينو او مديرانو په کې برخه لرله او د پلان جوړونې او راپور ليکنې په هکله په کې تفصيلي معلومات وړاندې شول او گډونوالو په دې تړاو په عملي بڼه گروپي کار هم وکړ. برخهوالو په خپلو خبرو کې دا ډول روزنيز پروگرامونه گټور ياد کړل او د نوموړي آمريت له مسؤلينو يې د ورکشاپ دايرولو له امله مننه وکړه. د يادونې وړ ده چې د ياد ورکشاپ د روزنې چارې د اقتصاد پوهنځي استاد ن.پوهنيار تسل نورزي له لوري پر مخ وړل کېدې.
