د امربالمعروف او نهی عن المنکر قانون د تنفيذ کمېټې د پوهنتون عمومي رئيس په مشرۍ نوبتي ناسته وکړه
د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ د امر بالمعروف او نهی عن المنکر قانون د تنفيذ کمېټې د ياد قانون د ښه تطبیق په موخه نوبتي ناسته وکړه چې د مالي او اداري چارو مرستيال حافظ مولوي محمدعثمان سعيد، د دعوت او ارشاد آمر مولوي خليل الله معصوم او د کمېټې نورو غړو په کې برخه لرله.
په دغه کاري ناسته کې د مشرتابه حفظه الله تعالی د فرامينو بشپړ تطبيق، د پوهنتون منصوبينو او محصلينو د سيرت او صورت برابرولو او د يو شمېر نورو موضوعاتو په هکله په کې بحث او پرېکړې وشوې.
په پیل کې د پوهنتون عمومي رئيس د چارو د ښه ترسره کېدو لپاره مشورې او ناستې مهمې وبللې او اړوند مسؤلينو ته يې لارښوونه وکړه چې په پوره حکمت سره خپلې چارې مخکې يوسي. ورپسې د کمېټې غړو له نوموړي سره د امر بالمعروف او نهی عن المنکر قانون د تطبیق په برخه کې د خپلو فعاليتونو راپورونه شريک کړل، چې د هغه له لوري ورته د ياد قانون د بشپړ تطبيق په تړاو لازمې لارښوونې او سپارښتنې وشوې.
د يادونې وړ ده چې د پوهنتون عمومي رئيس د کونړ ولايت په کچه د ياد قانون د تنفيذ په ولايتي کمېټه کې هم فعاله ونډه لري او د کونړ ولايت مقام په رهبرۍ په هره نوبتي ناسته کې برخه اخلي.
