په پوهنتون کې د پايلو پر بنسټ پوهې او محصل محوره زده کړو د تدرسي تگلارو روزنيز ورکشاپ پيل شو
دغه ورکشاپ چې د سيد جمال الدين افغاني پوهنتون د علمي چارو معاونيت په چوکاټ کې د مسلکي پرمختيا آمريت له لوري د(۱۰) لسو ورځو پر دوام پلان شوی دی، د ياد پوهنتون د پنځهگونو پوهنځيو شااوخوا(۳۰) تنه استادان په کې برخه لري.
د ورکشاپ پرانيستې پر مهال د مسلکي پرمختيا آمر پوهنيار امان الله توتاخېل د پایلو پر بنسټ او محصل محوره زده کړو پر اړتيا او ارزښت خبرې وکړې او له برخهوالو استادانو يې وغوښتل، چې په فعال گډون سره د ورکشاپ له ټولو مطالبو پوره گټه واخلي. د یادونې وړ ده، چې د دې ورکشاپ روزنيزې چارې د پکتيکا پوهنتون استاد متخصص روزونکي پوهنمل حزب الله رحماني له لوري پر مخ وړل کېږي.
