ډېر زيات خواشيني يو چې د تېرې شپې په زلزله کې په کونړ او ننگرهار ولايتونو کې گڼ شمېر هېوادوال شهيدان او ټپيان شوي دي
إِنَّا لِلّهِ وَإِنَّـا إِلَيْهِ رَاجِعونَ!
د سيد جمال الدين افغاني پوهنتون رهبري او ټول منصوبين د شهيدانو او ټپيانو کورنيو او خپلوانو ته د خواخوږۍ او تسلیت مراتب وړاندې کوي؛ الله ﷻ دې د شهيدانو درجې لوړې او زخميانو ته عاجله او کامله روغتيا نصيب کړي. موږ په دې ستر غم کې له ټولو غم ځپلو کورنيو سره يو شان شريک يو او هغوی ته د ستر څښتن تعالی له لوی درباره د جميل صبر هيله کوو.
د ياد پوهنتون رييس شیخ عبدالمالک محسن د يوه پلاوي په مشرۍ چې کاري ډلې يې هم ملتيا کوله د کونړ ولايت نورگل ولسوالۍ ته د مرستې او خدمت په موخه سفر وکړ چې د قرباني هېوادوالو لاسنيوی وکړي. همداراز د ياد پوهنتون په انگړ کې د مسؤلينو، استادانو، کارمندانو او محصلينو له لوري د شهيدانو ارواحو ته د ایصال ثواب په موخه د قرانکريم ختم او ټپيانو ته د عاجلې او کاملې روغتيا دُعاوې وشوې.
