پوهنتون کې يو ورځنی ديني-علمي سېمينار داير شو
سيد جمال الدين افغاني پوهنتون د ليليې په مسجد کې يو ورځنی ديني-علمي سېمينار داير شو چې په کې د پوهنتون مشرتابه پلاوي، د پوهنځيو رييسانو، استادانو او اداري کارمندانو برخه لرله.
پيل کې د قرآن کريم د مبارکو آیاتونو تر تلاوت وروسته د پوهنتون رييس شيخ عبدالمالک محسن په خپله وينا کې د ښه راغلاست ترڅنگ په علمي بنسټونو کې د دا ډول سېمينارونو دايرول ډېر ګټور وبلل او د ياد سېمينار له تنظيموونکو يې مننه وکړه.
ورپسې شيوخو کرامو هر يو: کونړ ولایت د علماوو شورا رييس شيخ عبدالقهار صديقي او ياد پوهنتون د شرعياتو پوهنځي رييس شيخ عبدالمنان البدر په خپلو ويناوو کې استادانو ته سپارښتنه وکړه چې د راتلونکي نسل په سالمه روزنه کې خپل مسؤليت په ښه شان سره اداء کړي او د هغوی فکري بيدارۍ لپاره دې شپه او ورځ کوشش وکړي او همداراز د غربي رسنيو زهرجنو تبليغاتو پر وړاندې دې کلکه مبازه وکړي.
هېره دې نه وي چې په ياد پوهنتون کې تر دې وړاندې هم دې ته ورته علمي سېمينارونه او کنفرانسونه داير شوي او په راتلونکي کې به هم دا لړۍ دوام ولري.
