پوهنتون له استادانو سره د امر بالمعروف رياست پلاوي ناسته وکړه
د سيدجمال الدين افغاني پوهنتون له استادانو سره د امر بالمعروف، نهي عن المنکر او شکايتونو اورېدلو رياست پلاوي ناسته وکړه.
د ياد رياست پلاوي د پوهنتون مالي او اداري چارو مرستيال قاري رحمن الله صادق په حضور کې؛ پوهنتون د شرعياتو، اقتصاد او زراعت پوهنځيو له استادانو سره ګډه ناسته وکړه.
د امر بالمعروف، نهي عن المنکر او شکايتونو اورېدلو رياست راغلي پلاوي په هېواد کې د ازادۍ او خپلواکۍ پر اهمیت او د ولسونو په قربانیو خبرې وکړې او د غونډې له ټولو ګډونوالو یې د اسلامي اصولو سره سم د خپل سیرت او صورت د برابرولو غوښتنه وکړه.
یاده غونډه د خیر په دعاء سره پای ته ورسېده.
