پوهنتون د مالي او اداري چارو مرستيال په مشرۍ ناسته کې د حاضرۍ په پابندۍ او له مراجعينو سره پر حسنه سلوک ټينگار وشو
سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد په مشرۍ تر سره شوې کاري ناسته کې چې په کې د پوهنتون اداري برخې آمرينو، مديرانو او د پنځه گونو پوهنځيو تدريسي مديرانو برخه لرله، پر بېلابېلو موضوعاتو بحث او پرېکړې وشوې.
په ياده ناسته کې د نافذه قوانينو او کړنلارو سره سم د کارونو سرته رسول، د حاضرۍ پابندي کول، د نورو په دندو کې نه تداخل، له مراجعينو سره نېکه رویه او نور بېلابېل موضوعات بحث شول.
د پوهنتون مالي او اداري چارو مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې او همداراز يې د ناستې له ټولو گډونوالو وغوښتل چې د خپلو مسؤليتونو د اجراء په برخه کې د نظام نافذه اصول او کړنلارې په بشپړ ډول مراعت کړي. وروسته ناسته د خیر په دُعا سره پای ته ورسېده.
