پوهنتون د رييس شيخ عبدالمالک محسن له لوري د ناسمو رواجونو مخنیوي په هکله نوی توشيح شوی فرمان تشريح شو
د سيد جمال الدين افغاني پوهنتون استادانو، اداري او خدماتي کارکوونکو او محصلينو ته د ناسمو رواجونو په اړه د نوي توشیح شوي فرمان په اړه د پوهاوي سېمينار داير شو.
د پوهنتون رييس شيخ عبدالمالک محسن له لوري د خېښۍ، ودونو، مصیبتونو، همدا راز له حج او عمرې څخه د راستنېدو پر مهال د ناسمو رواجونو د مخنیوي په هکله د عالیقدر امیرالمؤمنین حفظه الله تعالی د نوي توشیح شوي فرمان په اړه د پوهاوي سېمينار وړاندې شو چې د ياد فرمان د اهمیت او تطبیق په تړاو يې هر اړخيز معلومات وړاندې کړل او د ناسمو رواجونو مخنیوی يې د ټولو شريک مسؤلیت وباله.
