محصلینو ته په ځان باور او اعتماد او انگېزه څه ده؟ تر سرليک لاندې سېمينار وړاندې شو
دغه يو ورځنی معلوماتي سېمينار چې د سيد جمال الدين افغاني پوهنتون د محصلانو چارو معاونيت تر چتر لاندې د محصلانو د خدمتونو او همغږۍ آمريت په نوښت داير شوی ؤ، د پنځهگونو پوهنځيو محصلينو په کې برخه لرله. په پيل کې د محصلانو د خدمتونو او همغږۍ آمر مولوي عبدالله مسلم په خپلو خبرو کې د سېمينار اهميت او ارزښت بيان کړ او ورپسې د شرعياتو پوهنځي استاد پوهنيار محمدوسيم حبيبي له لوري په ځان باور او اعتماد، انگېزه پېژندنه، په ځان د باور او اعتماد پیاوړتيا او کمزورتيا لاملونه او د سېمينار اړوند نور موضوعات بحث شول او همداراز يې د گډونوالو پوښتنې هم ځواب کړې
