محصلینو ته د پوهاوي يو ورځنی سېمينار دایر شو
د سيد جمال الدين افغاني پوهنتون محصلينو ته د ساري ناروغيو د مخنيوي په هکله د پوهاوي سېمينار داير شو. د عامه پوهاوي دغه سېمينار چې پوهنتون د محصلانو چارو معاونيت اړوند د محصلانو د خدمتونو او همغږۍ آمريت په همکارۍ د کونړ ولايت د عامې روغتيا رياست له لوري د پوهنتون د غونډو په تالار کې جوړ شوی ؤ؛ د پوهنتون مشرتابه، د عامې روغتيا رياست استازو او د ياد پوهنتون لسگونو محصلينو په کې برخه لرله.
د سېمينار په پرانيسته کې د پوهنتون رييس شيخ عبدالمالک محسن له ناروغيو څخه د مخنيوي په برخه کې د وقايې پر ارزښت او هميت هر اړخيزې خبرې وکړې او د سېمينار له تنظيموونکو يې مننه وکړه. ورپسې د مولوي تيمورشاه راشد او ډاکټر سعادت الله ضياء له لوري د اسلام مبارک دين او د طب له نظره د ساري ناروغيو د مخنيوي موضوعات وار په وار تشريح شول او همداراز يې د گډونوالو پوښتنې هم ځواب کړې.
د يادونې ده چې برخهوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه.
