سيد جمال الدين افغاني پوهنتون کې د کرکټ لوبې سيالۍ پیل شوې
د کرکټ لوبې یاد ټورنمنټ د يوې اوونۍ پر دوام، پوهنتون د محصلانو چارو معاونيت په نوښت او د سپورت مرکزي کمېټې په هلو ځلو پيل شو؛ چې د دې پوهنتون اړوند شپږ لوبډلې په کې برخه لري.
ټورنمنټ د پرانیستې پر مهال پوهنتون د سپورت مرکزي کمېټې مسؤل پوهنيار فريدالله صافي د يادو سیالیو هدف محصلینو او ځوانانو ته د سالمې بوختیا رامنځته کول ياد کړل او لوبغاړو ته یې د سپورتي اخلاقو او اصولو د رعایت سپارښتنه وکړه.
د يادو سياليو په لومړۍ ورځ يوه لوبه وشوه چې د کمپيوټر ساينس پوهنځي لوبډلې په کې د استادانو-اداري کارکوونکو لوبډلې ته ماته ورکړه.
د يادونې ده، دا سيالۍ د هغې سپورتي مېلې دوام دی چې تېره مياشت په دې پوهنتون کې پيل شوې ده.
