سيد جمال الدين افغاني پوهنتون د ځنگلونو د ساتنې نړۍواله ورځ د یوې غونډې په ترڅ کې ونمانځله
ياده نمانځغونده چې د کرنې پوهنځي په نوښت جوړه شوې وه، په کې د ياد پوهنځي ريیس پوهندوی محمد حسن محمدي، د پوهنتون استادانو او محصلینو برخه لرله.
غونډې ته د کرنې پوهنځي رييس د ښه راغلاست او پرانستې وینا تر څنگ، د دا ډول پروگرامونو دايرول خورا مهم ياد کړل.
ورپسې د کرنې پوهنځي د ځنگلپوهنې او طبیعي منابعو د څانگې آمر پوهنیار شاهدالله امن ځنگلونو د ارزښت، ساتنې، د ورپېښو گواښونو او د حل پر بېلا بېلو لارو چارو خپل پرېزنټېشن وړاندې کړ.
ځنگلونو د ساتنې نړۍواله ورځ چې د ۲۰۱۲ زېږدیز کال را په دې خوا په ټوله نړۍ کې د مارچ پر ۲۱ مه نمانځل کېږي، اصلي موخه یې ځنگلونو د ساتنې او سالمې گټې اخیستنې په اړه عامه پوهاوی دی.
