د ښوونې او روزنې پوهنځي ممتاز محصلین د يوې غونډې په ترڅ کې وستايل شول
په ياده ستاينغونډه کې د سيد جمال الدين افغاني پوهنتون علمي څېړنو او مجلې مرستيال پوهندوی دوکتور سيد اصغر هاشمي، د ښوونې او روزنې پوهنځي رييس پوهنيار مولوي خانزاده حنيفي، د ياد پوهنځي استادانو، اداري کارکوونکو او محصلينو گډون کړی ؤ.
د پوهنتون علمي څېړنو او مجلې مرستيال په خپلو خبرو کې ممتازو محصلينو ته مبارکي وويله او د هغوی هڅې او لاسته راوړنې يې وستایلې. د ښوونې او روزنې پوهنځي رييس په خپله وينا کې د ياد پوهنځي په لاسته راړونو رڼا واچوله او له استادانو يې مننه وکړه چې د محصلينو په روزنه کې يې نه ستړې کېدونکې هلې ځلې کړې دي. ياده غونډه ممتازو محصلينو ته د ستاينليکونو له ورکولو وروسته پر دُعايه کلماتو سره پای ته ورسېده.
