د پوهنتون عمومي رئيس له مرستيالانو او د پوهنځيو رئيسانو سره مشورتي ناسته وکړه
د سيد جمال الدين افغاني پوهنتون عمومي رئيس الحاج مولوي عبدالواسع منصور له مرستيالانو او د پنځهگونو پوهنځيو رئيسانو سره مشورتي ناسته وکړه. په پيل کې د پوهنتون عمومي رئيس اړوندو مسؤلينو ته لارښوونه وکړه، چې په پوره اخلاص او صداقت سره خپلې چارې مخکې يوسي او يو له بل سره پوره همکاري او ښه همغږي ولري. په ياد ناسته کې د پوهنتون ملکيتونو د ساتنې او اړوندو ادارو سره د هوکړهليکونو پر لاسليک بحث او پرېکړې وشوې. دغه ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
