د پوهنتون رهبري شورا ناسته وشوه
د سيد جمال الدين افغاني پوهنتون عمومي رئيس الحاج مولوي عبدالواسع منصور په مشرۍ او د پوهنتون مرستيالانو په گډون د رهبري شورا ناسته وشوه چې د روان تدريسي بهير دوامدارې څارنې، د محصل ژمنليک پلي کېدو، د نصاب بشپړ تطبيق، د ليليې اړوند او نور بېلابېل موضوعات په کې بحث شول. د پوهنتون عمومي رئيس د يادو موضوعاتو په هکله مسؤلینو ته لازمې سپارښتنې او لارښوونې وکړې او د اړوندو چارو د لا ښه ترسراوي په موخه بېلابېلې کمېټې وټاکل شوې. دغه ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
