د پوهنتون اداري کارکوونکو ته د پلان جوړونې په اړه يو ورځنی ورکشاپ دایر شو
دغه ورکشاپ د سيد جمال الدين افغاني پوهنتون علمي چارو معاونيت په چوکاټ کې د مسلکي زدهکړو پرمختیايي مرکز په نوښت جوړ شوی ؤ، چې د دې پوهنتون د اداري برخې آمرینو او عمومي مديرانو په کې برخه لرله.
د ورکشاپ په پرانيسته کې د سيد جمال الدين افغاني پوهنتون رييس شيخ عبدالمالک محسن دا ډول روزنيز پروگرامونه گټور وبلل او د ياد مرکز له مسؤلينو يې د دې ورکشاپ دايرولو له امله مننه وکړه. نوموړي همداراز د ورکشاپ گډونوالو ته سپارښتنه وکړه چې له دې فرصت څخه پوره استفاده وکړي.
د پوهنتون مسلکي پرمختيايي مرکز آمر پوهنيار امان الله توتاخېل په خپلو خبرو کې د ياد پروگرام په اړه معلومات ورکړل او د نوموړي مرکز له لاسته راوړنو يې يادونه وکړه.
د يادونې ده چې د دې ورکشاپ د روزنې چارې د اقتصاد پوهنځي استاد پوهنيار ماليار صديقي له لوري پر مخ وړل کېدې.
