د پوهنتونونو استادانو ته پر ليکه( انلاين) روزنیز کنفرانس داير شو
سيد جمال الدين افغاني پوهنتون د علمي څېړنو او مجلې مرستيال پوهندوی دوکتور سيد اصغر هاشمي له لوري د پوهنتونونو استادانو ته د"تاليف لیکنې لارښود" تر سرلیک لاندې په انلاين بڼه روزنیز کنفرانس وړاندې شو، چې د ياد پوهنتون استادانو په حضوري او د نورو بېلابېلو علمي بنسټونو گڼو استادانو په کې په انلاين بڼه برخه اخيستې وه.
دا نوښت چې د لوړو زدهکړو وزارت د څېړنې، تالیف او ژباړې ریاست او د پکتيا پوهنتون په گډه د سيد جمال الدين افغاني پوهنتون په همکارۍ پلان کړي ؤ، چې پوهندوی دوکتور سيد اصغر هاشمي له لوري په کې د ياد لارښود موضوعات وار په وار تشريح شول او په پای کې يې د موضوع په تړاو د گډونوالو پوښتنې هم ځواب کړې. د يادونې ده چې د دې کنفرانس گډونوالو د دا وړ پروگرامونو د دوام غوښتنه وکړه.
