د سید جمال الدین افغاني پوهنتون رييس د لوړو زده کړو وزارت څخه د راغلي پلاوي په ملتيا د پوهنتون له بېلابېلو برخو ليدنه وکړه
پوهنتون رييس پوهنمل محب الله محب د راغلي پلاوي مشر استاد شاکر الله وحيدي او د محصلانو چارو مرستيال پوهنمل علي احمد بهار په ملتيا د پوهنتون له اداري او تدريسي برخو، کتابتونونو او د کمپيوټر ساينس پوهنځي محصلينو د پروژو څخه ليدنه وکړه.
لوړو زده کړو وزارت، د کیفیت د تضمین او اعتبار ورکولو ريیس استاد شاکر الله وحيدي د پوهنتون د تضمین کیفیت درېیم پړاو د بيا کتنې په برخه کې له اړوندو مسؤلينو سره لازمې مشورې شريکې کړې.
د سيد جمال الدين افغاني پوهنتون ريیس پوهنمل محب الله محب له راغلي پلاوي څخه د مننې ترڅنګ؛ د تضمين کيفيت پروسې پر چټکتيا او بهتروالي ټينګار وکړ او زياته يې کړه چې درېيم پړاو ته د پوهنتون نوماندېدو په برخه کې لا ډېر کار ته اړتيا ده. نوموړي د ياد بهير د لا ښه والي په پار اړوندو مسؤلینو ته د راغلي پلاوي د سپارښتنو د پلي کېدو لارښوونه وکړه.
