د سيد جمال الدين افغاني پوهنتون رييس له اقتصاد پوهنځي څخه ليدنه او څارنه وکړه
د پوهنتون رييس شيخ عبدالمالک محسن له پوهنځيو څخه د خپلو ليدنو پر دوام نن ورځ د اقتصاد پوهنځي تدريسي او اداري چارې وارزولې.
پيل کې د اقتصاد پوهنځي رييس پوهنيار حامد احمد مراد؛ د خپلو فعاليتونو او لاسته راوړنو په اړه د معلوماتو شريکولو سربېره؛ شته ستونزې د پوهنتون مشرتابه ته وړاندې کړې.
ورپسې د پوهنتون رييس شيخ عبدالمالک محسن په خپلو خبرو کې د ياد پوهنځي د لاسته راوړنو قدرداني وکړه او ستونزو د حل ډاډ يې ورکړ.
نوموړي همداراز د پوهنځي مسؤلينو ته سپارښتنه وکړه چې د محصلینو مسلکي روزنې سربېره فکري او اصلاحي برخې ته هم پوره پاملرنه وکړي.
