د زارعت پوهنځي څلورم ټولگي محصلینو ته يو ورځنی روزنيز سېمينار دایر شو
د ويناوالۍ فن په برخه کې دغه روزنيز سېمينار چې د سيد جمال الدين افغاني پوهنتون د پوهنځي د کرنيز اقتصاد او توسعې ديپارتمنت له لوري داير شوی ؤ، لسگونو محصلينو په کې برخه لرله. پيل کې د کرنيز اقتصاد او توسعې ديپارتمنت آمر پوهنمل عبدالواحد سلطاني د سېمينار پر اړتيا او ارزښت هر اړخيزې خبرې وکړې او له برخهوالو يې وغوښتل چې په خپل فعال گډون سره د سېمينار له ټولو مطالبو پوره گټه واخلي. ورپسې ښاغلي موسی نورزي د ويناوالۍ په تړاو راټول کړي معلومات وار په وار تشرېح کړل او همداراز يې د گډونوالو پوښتنې هم ځواب کړې.
د يادونې ده چې محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه.
