د خواشينۍ او تسليت پيغام
ډېر زيات خواشيني يو چې تېره ورځ په يوه پېښه کې د سيد جمال الدين افغاني پوهنتون د کمپيوټرساينس پوهنځي يو تن محصل امان الله د پکتيا ولايت د زرمت ولسوالۍ اوسېدونکی شهيد شوی ؤ چې جنازه يې نن ورځ په پلرني ټاټوبي کې خاورو ته وسپارل شوه.
إِنَّا لِلّهِ وَإِنَّـا إِلَيْهِ رَاجِعونَ!
سيد جمال الدين افغاني پوهنتون د شهيد کورنۍ، خپلوانو او دوستانو ته د خواخوږۍ او تسلیت مراتب وړاندې کوي؛ الله ﷻ دې د شهيد درجې لوړې کړي. موږ په دې ستر غم کې د دوی له کورنۍ سره يو شان شريک يو او هغوی ته د ستر څښتن تعالی له لوی درباره د جميل صبر غوښتنه کوو.
د لوړو زده کړو وزارت په لارښوونه او د سيد جمال الدين افغاني پوهنتون په استازيتوب د دې پوهنتون د علمي چارو مرستيال قاضي عبدالهادي فضلي د يوه پلاوي په مشرۍ د شهيد جسد له کونړ څخه پکتيا ولايت ته انتقال او په جنازه کې يې گډون وکړ. نوموړي پلاوي د شهيد ورثو ته د ياد وزارت او پوهنتون له لوري د تسلیت مراتب وړاندې کړل او همداراز يې د لوړو زده کړو وزارت له لوري شوې نغدي مرسته هم ور وسپارله.
