دندو لایحو د بیا کتنې او وظیفوي تداخل د مخنیوي په موخه ناسته وشوه
ياده ناسته چې د سيد جمال الدين افغاني پوهنتون د رييس شيخ عبدالمالک محسن په مشرۍ وشوه؛ د پوهنتون مرستيالانو، د پوهنځيو ريیسانو او د اداري برخې ځينيو آمرينو په کې گډون درلود او د وظیفوي تداخل د مخنیوي او په کاري ساحه کې د وضاحت رامنځته کولو په اړه يې بحث وکړ. په دغه ناسته کې د پوهنتون کادري او اداري بستونو د دندو لایحو د بیا کتنې لپاره د عمومي کمېټې سربېره فرعي کمېټې هم وټاکل شوې چې فرعي کمېټې به يادې لایحې د سمون او وظیفوي تداخل د مخنیوي په موخه وارزوي او عمومي کمېټه به يې د ارزونې وروستۍ پايله له تصحيح او توحيد وروسته د درې اونيو په ترڅ کې د لوړو زده کړو له محترم وزارت سره شريکه کړي.
