اختر د قربانۍ او ذوالحجې مياشتې د فضيلت په تړاو سېمينار وړاندې شو
سيد جمال الدين افغاني پوهنتون د دعوت او ارشاد آمريت له لوري د پوهنتون استادانو او اداري کارکوونکو ته د لوی اختر د قربانۍ او ذوالحجې مياشتې د لومړۍ عشرې د فضيلت په اړه سېمينار داير شو. یاد سېمينار چې د دعوت او ارشاد آمر مولوي اعجازالحق زلِف له لوري وړاندې شو، چې د لوی اختر د قربانۍ اړوند مسايل او فضايل يې وار په وار تشريح کړل.
د پوهنتون رييس شيخ عبدالمالک محسن په خپله وينا کې اخلاص د عمل قبلېدو لپاره مهم شرط وباله او همداراز يې د سېمينار موضوع په اړه د گډونوالو پوښتنې هم ځواب کړې. نوموړي استادانو ته لارښوونه وکړه چې د محصلينو فکري او اصلاحي روزنې ته پوره پام وکړي. دا سېمينار په دُعايه کلماتو سره پای ته رسېد.
