د روان پسرلني سمستر نهايي ازموينې سبا پيلېږي
په سيد جمال الدين افغاني پوهنتون کې د روان ۱۴۰۵ تحصيلي کال د پسرلني سمستر نهايي ازموينې به سبا، د جوزا مياشتې پر(۱۱مه) نېټه پيل شي. دا چې د لوی اختر تر رخصتيو وروسته رسمي چارې په عادي ډول پيل شوې دي او نن يکشنبه، د ۱۴۴۷ هـ.ق کال د ذوالحجة الحرام مياشتې(۱۴مه)، چې د جوزا له(۱۰مې) نېټې سره سمون لري، د پوهنتون علمي او اداري فعاليتونه د تېر په څېر په منظم ډول پيل شوي او د پوهنتون علمي او اداري منسوبين په پوره اخلاص، صداقت او ژمنتيا سره خپلو دندو ته دوام ورکوي.
دا چې د نهايي ازموينو بريالي ترسره کېدو لپاره ټول اړين تدابير نيول شوي او د پنځهگونو پوهنځيو نږدې درې زره محصلين به په دغو ازموينو کې گډون کوي. د پوهنتون اداره له ټولو محصلينو غواړي چې د ازموينو د اصولو او ټاکلي مهالوېش په مراعتولو سره پر خپل وخت د ازموينو صحنو ته حاضر شي.
د پوهنتون رهبري د محصلينو لپاره په راتلونکو ازموينو کې د بري هيله څرگندهوي او ډاډ ورکوي چې د ازموينو بهير به د دوامدارې څارنې په ترڅ کې؛ په پوره شفافيت، نظم او د نافذه اصولو له مخې پر مخ يوسي.
