پوهنتون کې له محصلينو څخه په الحق المبين کتاب کې د سيالۍ په پار ازموينه واخيستل شوه
یاده سیالي چې د سيد جمال الدين افغاني پوهنتون د محصلانو چارو معاونيت اړوند د محصلانو د خدمتونو او همغږۍ آمريت له لوري جوړه شوې وه، د پنځهگونو پوهنځیو نږدې(۵۰۰) تنو محصلینو په کې ازموینه ورکړه.
د پوهنتون ريیس شيخ عبدالمالک محسن؛ د محصلانو چارو مرستیال پوهنمل علي احمد بهار او ښوونې او روزنې پوهنځي د رييس پوهنيار مولوي خانزاده حنيفي په ملتيا د ازموينې له صحنې څخه د ليدنې پرمهال محصلینو ته د ازموینې د صحنې د نظم ساتلو او ممتحنو استادانو ته په شفاف ډول د ازموینې اخیستلو سپارښتنه وکړه.
