پوهنتون د ازموینو مرکزي کمېټې د محصلانو چارو مرستيال په مشرۍ غونډه وکړه
سيد جمال الدين افغاني پوهنتون د ازموینو مرکزي کمېټې غړو پوهنتون د محصلانو چارو مرستيال پوهنمل علي احمد بهار په مشرۍ غونډه وکړه.
په یاده کاري ناسته کې په تېرو ازموینو کې په رامنځته شويو ستونزو او حل لارو، د راتلونکو ازموینو لپاره د پوښتنو پر نوعيت او لا معياري کېدو او همدا راز د ازموینو پروسې د روڼتیا لپاره د اړینو تدابیرو نیولو په اړه بحث او پرېکړې وشوې.
د محصلانو چارو مرستيال د ازموینو د مرکزي کمېټې غړو د تېرو کړنو او فعالیتونو مننه وکړه چې له امله یې د پوهنتون ازموینې تر ډېره بریده رڼې او معیاري شوې او د اصولو او مقرراتو سره سم یې د راتلونکو ازموینو د اخیستلو او د يادې پروسې د جدي څارنې سپارښتنه وکړه.
د ازموینو مرکزي کمېټې غړو د پوهنتون مشرتابه ته ډاډ ورکړ چې په منظمه توګه به د ازموینو د اخیستلو له بهیر څخه څارنه وکړي او له اصولو سره سم به ازموینې واخلي.
