د پوهنتون عمومي رئيس د فرهنگي چارو له مرکزي کمېټې سره ناسته وکړه
د سيد جمال الدين افغاني پوهنتون عمومي رئيس الحاج مولوي عبدالواسع منصور د فرهنگي چارو له مرکزي کمېټې سره ناسته وکړه، چې د محصلانو د خدمتونو او همغږۍ آمر مولوي عبدالله مسلم او د يادې کمېټې ټولو غړو په کې برخه لرله. پیل کې د کمېټې مسؤلينو د تېرو کړنو او فعالیتونو راپورونه او د چارو لا ښهوالي په تړاو وړانديزونه د پوهنتون له عمومي رئيس سره شريک کړل. د پوهنتون عمومي رئيس د يادې کمېټې مسؤلينو له لوري د ترسره شويو فعالیتونو له امله مننه وکړه او په اړوندو چارو کې يې هغوی ته د شته ستونزو او همداراز نیمگړتیاوو د حل په برخه کې لازمې لارښوونې او سپارښتنې وکړې. نوموړي د محصلانو چارو معاونيت ته لارښوونه وکړه چې د يادې کمېټې د نوي لارښود په رڼا کې په منظم ډول خپلې ناستې ترسره کړي او د خپلو فعالیتونو راپور دې په مياشتني ډول له رياست مقام سره شريک کړي.
