پوهنتون د پنځهگونو پوهنځيو ديپارتمنت آمرینو ته د(HEMIS) سېستم په اړه يو ورځنی ورکشاپ داير شو
سيد جمال الدين افغاني پوهنتون د پنځهگونو پوهنځيو ديپارتمنت آمرینو ته د لوړو زدهکړو مديريتي او معلوماتي سېستم(HEMIS) په اړه د محصلانو چارو معاونيت له لوري د مسلکي زدهکړو له پرمختیايي آمريت سره په همغږۍ يو ورځنی ورکشاپ جوړ شو.
د ورکشاپ په پرانېسته کې د پوهنتون رييس شيخ عبدالمالک محسن گډونوالو ته ښه راغلاست ووايه او د ورکشاپ اهميت او ارزښت په اړه يې خبرې وکړې. نوموړي همداراز له گډونوالو وغوښتل، چې په فعال گډون سره د ورکشاپ له ټولو مطالبو پوره گټه واخلي.
پوهنتون د علمي چارو مرستيال پوهندوی ميرويس ستانکزي او د محصلانو چارو مرستیال پوهنمل علي احمد بهار د خپلو ويناوو پر مهال په ياد سېستم کې د پوهنتون په لاسته راوړنو رڼا واچوله او گډونوالو ته یې په دوامدار ډول د بشپړ تطبيق سپارښتنه وکړه.
د يادونې ده، چې د داير شوي ورکشاپ روزنيزې چارې د محصلانو چارو آمر وحيدالله صافي او د کرنې پوهنځي اجراييه مدير يوسف خان عابدزي له لوري پر مخ وړل کېدې.
