محصلينو ته د ثالث عمر رحمه الله د ژوند او کارنامو په اړه یو ورځنی سېمينار وړاندې شو
یاد سېمينار چې سيد جمال الدين افغاني پوهنتون د ليليې په مسجد کې داير شوی ؤ په کې د کونړ ولايت علماوو شورا رييس شیخ عبدالقهار صديقي، د پوهنتون رييس شيخ عبدالمالک محسن، د مالي او اداري چارو مرستيال حافظ مولوي محمدعثمان سعيد، د پوهنتون استادانو، اداري کارمندانو او محصلينو برخه لرله.
د پوهنتون رييس د مرحوم امیرالمؤمنین ملا محمد عمر مجاهد رحمه الله د شخصیت، ژوند، افکارو، جهادي مبارزې او سرښندنو په اړه تفصيلي خبرې وکړې او هغه يې د ټولې اسلامي نړۍ افتخار وباله.
شیخ عبدالقهار صديقي په خپلو خبرو کې د مرحوم امیرالمؤمنین ثالث عمر رحمه الله د ژوند، سیاسي بصیرت او کارنامو په تړاو هر اړخیز معلومات وړاندې کړل او محصلين يې د لوی ملا صاحب د سرښندنو او کارنامو په اړه پراخې مطالعې ته وهڅول.
په پای کې ياد سېمينار د پوهنتون دعوت او ارشاد آمر مولوي اعجازالحق زلف له لوري په دُعايه کلماتو سره پای ته ورسېد.
