سيد جمال الدين افغاني پوهنتون او افغان ملي بانک ترمنځ د بانکي چوپړتياوو په موخه د همکاريو هوکړه لاسلیک شوه
د دواړو ادارو ترمنځ د دوه اړخيزو همکاريو هوکړهلیک چې پوهنتون د پروسونل معاشونو د وېش، مالي حقوقو د تاديې او نورو بانکي چوپړتياوو په موخه د علمي چارو مرستيال او د پوهنتون سرپرست قاضي عبدالهادي فضلي، د مالي او اداري چارو مرستيال حافظ مولوي محمدعثمان سعيد، مالي او حسابي آمريت کارکوونکو او افغان ملي بانک د کونړ څانګې استازو په شتون کې لاسلیک شو چې له مخې به د پوهنتون ادارې ته معاشونو د وېش او نورو بانکي چوپړتياوو په برخه کې لازمې اسانتياوې برابرې شي.
قاضي عبدالهادي فضلي په خپلو خبرو کې د افغان ملي بانک له استازو د يادې هوکړې د بشپړ تطبيق غوښتنه وکړه او د پوهنتون له لوري يې د پلي کېدو ډاډ ورکړ چې د هغوی له لوري هم اطمنان ورکړل شو.
