د پوهنتون رييس له پوهنتون څخه بهر اوسېدونکو محصلينو ستونزې او غوښتنې واورېدې
د سيد جمال الدين افغاني پوهنتون شيخ عبدالمالک محسن تېر ماښام د محصلانو د خدمتونو او همغږۍ آمر مولوي عبدالله مسلم او د ليليې عمومي مدير مولوي نسيم الله شجاع په ملتيا له پوهنتون څخه بهر اوسېدونکو محصلينو د اوسېدو له ځای څخه ليدنه وکړه، د محصلينو ستونزې او غوښتنې يې واورېدې او هغوی ته يې د حل ډاډ ورکړ. نوموړي يادو محصلينو ته سپارښتنه وکړه چې خپلو درسونو ته متوجه شي او همداراز چاپېريالي حقوقو، ټولنيز تعامل او نظافت ته پوره پاملرنه وکړي. محصلينو د پوهنتون د رييس په ورتگ خوښي وښوده او د يادو سپارښتنو د عملي کېدو ډاډ يې ورکړ.
