د پوهنتون اداري کارکوونکو ته يو ورځنی ورکشاپ دایر شو
د سيد جمال الدين افغاني پوهنتون اداري کارکوونکو ته د پلان جوړونې، راپور ليکنې او د ارزونې فورمو په اړه يو ورځنی ورکشاپ دایر شو.
دغه ورکشاپ د پوهنتون بشري سرچینو آمریت په نوښت او د کونړ ولايت اداري اصلاحاتو او ملکي خدمتونو آمريت په همکارۍ جوړ شوی ؤ، چې په کې د پوهنتون له بېلابېلو څانګو څه له پاسه(۴۰) تنو مامورینو برخه لرله.
د ورکشاپ په پرانيسته کې د سيد جمال الدين افغاني پوهنتون رييس پوهنمل محب الله محب دا ډول روزنيز پروګرامونه ګټور وبلل او د ورکشاپ ګډونوالو ته یې سپارښتنه وکړه چې له دې فرصت څخه پوره استفاده وکړي.
د یاد يو ورځني ورکشاپ روزنيزې چارې د کونړ ولايت اداري اصلاحاتو او ملکي خدمتونو له آمريت څخه راغلي ټرېنر محمدجان حقپال لهخوا پر مخ وړل کېدې.
د پروګرام په پای کې د پوهنتون مالي او اداري چارو مرستيال قاري رحمن الله صادق لهخوا د لوړو زده کړو وزارت د بشري سرچينو رياست له لوري د پوهنتون اداري کارکوونکو ته د ظرفيت لوړونې اونيز ورکشاپ چې څه موده وړاندې په دې پوهنتون کې داير شوي ؤ، له مرکز څخه يې را رسېدلې تصدیق پاڼې ورکړل شوې.
