د امربالمعروف او نهی عن المنکر قانون د تنفيذ کمېټې د پوهنتون رييس په مشرۍ نوبتي ناسته وکړه
سيد جمال الدين افغاني پوهنتون د رييس شيخ عبدالمالک محسن په مشرۍ د امر بالمعروف او نهی عن المنکر قانون د تنفيذ کمېټې د ياد قانون د ښه تطبیق په موخه نوبتي ناسته وکړه چې په کې د مالي او اداري چارو مرستيال حافظ مولوي محمدعثمان سعيد او د کمېټې نورو غړو برخه لرله.
په دغه کاري ناسته کې په جماعت سره د لمانځه اداء کول، د ياد قانون په تنفيذ کې د اسلامي ثقافت استادانو همکاري او د پوهنتون منسوبينو او محصلينو د سيرت او صورت برابرول او يو شمېر نورو موضوعاتو په اړه په کې بحث او پرېکړې وشوې.
د پوهنتون رييس د پرانیستې وینا پر مهال د شورا پر ارزښت او اهميت هر اړخيزې خبرې وکړې او ورپسې د کمېټې غړو له نوموړي سره د امر بالمعروف او نهی عن المنکر قانون د تطبیق په برخه کې د خپلو فعاليتونو راپورونه شريک کړل، چې د هغه له لوري ورته د ياد قانون د بشپړ تطبيق په تړاو لازمې لارښوونې او سپارښتنې وشوې. ياده ناسته د خیر په دُعا سره پای ته ورسېده.
