د پوهنتون استادانو او اداري کارکوونکو ته د جهادي مدرسې مهتمم له لوري اصلاحي بيان وشو
کونړ ولايت د جهادي مدرسې مهتمم ته چې نن ورځ د سيد جمال الدين افغاني پوهنتون د دعوت او ارشاد آمريت د اصلاحي پروگرامونو په لړ کې بلنه ورکړل شوې وه؛ د پوهنتون رييس شيخ عبدالمالک محسن له لوري ورته ښه راغلاست وويل شو. ياد ولايت د جهادي مدرسې مهتمم شيخ الحديث مولوي رحمت دين مدني په اسلام مبارک دين کې د معلم(استاد) پر مقام او منزلت، په تعليمي او تحصيلي برخه کې د کار کولو پر ارزښت او اهميت، د روحاني تربيې پر اُخروي او دنيوي فوايدو او د مبارکو احاديثو په رڼا کې د ژوندانه پر مهالوېش تفصيلي بيان وکړ چې دياد پوهنتون لسگونو استادانو او اداري کارکوونکو په کې برخه لرله او ياد اصلاحي بيان د خير په دُعاء پای ته ورسېد.
