پوهنتون کې د زارعت پوهنځي څلورم ټولگي محصلینو ته يو ورځنی روزنيز سېمينار دایر شو.
د څېړنې او ژباړې په برخه کې دغه روزنيز سېمينار چې د سيد جمال الدين افغاني پوهنتون د زارعت پوهنځي د څېړنې کمېټې له لوري د پوهنتون معلوماتي ټکنالوژۍ په مرکز کې جوړ شوی ؤ، د اتم سمستر لسگونو محصلينو په کې برخه لرله.
د سېمينار په پرانيسته کې د زراعت پوهنځي رييس پوهندوی محمد حسن محمدي د څېړنې پر اړتيا او ارزښت هر اړخيزې خبرې وکړې او د سېمينار له تنظيموونکو يې مننه وکړه. ورپسې د ياد پوهنځي استاد پوهنمل دوکتور احمد راتب شرافت د علمي مقالې ليکنې لارې چارې او د ژباړې اصول؛ موضوعات وار په وار تشريح کړل او همداراز يې د گډونوالو پوښتنې هم ځواب کړې.
د يادونې ده چې برخهوالو محصلينو د سېمينار پر دايرېدو خوښي وښوده او په راتلونکي کې يې د ورته نورو پروگرامونو د جوړېدو غوښتنه وکړه.
